August 7

पैताला फ्लेवर!

एउटा समय थियो जतिबेला १ रुपैंया का दुइवटा ल्याक्टो मिठाइ पाइन्थ्यो। मिठाइ त मिठो भइहाल्ने भयो तर ल्याक्टो सँग जोडिएको अर्को रमाइलो कुरा के थियो भन्दा त्यसको खोल तन्काएर एक हात लामो बनाउन सक्यो भने अर्को ल्याक्टो फ्रि मा पाइन्छ भन्ने हल्ला थियो। ल्याक्टो को खोल तन्काएर फ्रिमा ल्याक्टो खाने प्रयास धेरै पटक गरियो तर कहिल्यै सफल भैएन।
भर्खरै पैताला पढेर सकेँ। पढिसकेपछि मलाइ लाग्यो जसरि हामि सानोमा ल्याक्टो को खोल तन्काउँदा त्यो खोल केहि तन्के पछि बिचमा प्वाल पर्थ्यो वा च्यातिन्थ्यो त्यसरी नै लेखक ले कथा लाइ जबरजस्ती तन्काए जस्तो लाग्यो। लेखक ले कथामा प्वाल नपरोस वा नच्यातिओस भनेर सक्दो कोसिस त गरेका छन तर मेरो बिचारमा त्यो सफल भने भएको छैन।

अर्को कुरा यो ल्याक्टो चलन चल्तीको ल्याक्टो भन्दा फरक हो तान्त्रिक ल्याक्टो हो भनेर बजारमा सुनियो। नयाँ भनेपछि केहि त पक्कै छ भनेर उत्सुक भैयो र खाने रहर पनि जाग्यो। तर खाएपछि भने तान्त्रिक शब्द लाइ अन्याय पो भएको हो कि जस्तो लाग्यो वा भनौ तान्त्रिक विदान भनेको यस्तै हो र? जस्तो प्रश्न उठ्यो मनमा । त्यस्तै स्वाद भएको चकलेट त पहिल्यै नगरकोटी ले खुवाएकै हुन नि जस्तो लाग्यो नगरकोटीएन फ्लेवर मा त ठिकै लागेको हो तर पौडेल फ्लेवरमा त्यो त्यति मिठो लागेन।
र अन्त्यमा पौडेल फ्लेवर ट्राइ गर्नुस भन्छु के थाहा त्यो तपाँइको फ्लेवर पो हो कि!



Copyright 2016. All rights reserved. sachinpaudel.com.np

Posted August 7, 2017 by august in category "General", "Uncategorized

Leave a Reply

Your email address will not be published. Required fields are marked *